افضل توزيعة افضل لغة افضل قاعدة بيانات

There's no such thing as "the best". The question should be: Best for what ?

صعب طبعا حصر كل اللغات و التوزيعات و كمان يبقى عندنا رأي فيها.

فيما يخص اللغات كل لغات البرمجة اللي سمعت عنها على الويندوز موجودة على اللينوكس ما عدا يمكن ASP و Visual Basic لكن في حالة الC و الC++ بيختلف أسلوب البرمجة شوية بسبب اختلاف ثقافة البرمجة و الأدوات المستخدمة و المكتبات البرمجية. (java و C# مفيش اختلافات كبيرة)

عدا دول فيه مئات من لغات البرمجة يمكن أهمهم Python و Perl و PHP و Ruby.

و دي بيطلق عليها scripting languages لأن واحدة من استخداماتهم هو عمل سكريبتات سريعة للمساعدة في ادارة نظام التشغيل أو الربط ما بين نظم مختلفة الخ.

من دول أفضلهم في رأيي python لغة سهلة جدا جدا في التعلم و ليها مكتبة برمجية ضخمة بتخليك مش محتاج تضيع وقت في تفاصيل كثيرة و تقدر تبني برامج و نظم بسرعة عالية جدا، و رغم كونها interpreted لكن أدائها سريع و استهلاكها للموارد منخفض و الأهم بتعودك و أحيانا تفرض عليك كتابة كود نظيف و بتتكيف مع أي اسلوب في التصميم (object oriented, functional, declarative, pattern based, etc.)

الأهم في اللغات دي من ناحية السوق هي PHP فرغم أنك متحسش أن تم تصميمها على أيدين مهندسين عباقرة لكنها أرخص وسيلة لعمل تطبيقات وب و بالتالي الأكثر انتشارا (أكثر انتشارا من كل لغات الوب تبع مايكروسوفت و حتى java). و بالتالي تعلمها شبه ضروري خصوصا أنها بتتيح ليك استخدام تطبيقات متقدمة مثل drupal كأساس لمشاريعك.

Ruby لها جمهور متحمس و منحاز لها جدا لكن للأسف معرفش عنها كفاية Perl كانت في يوم من الأيام أهم لغة على الوب و أهم أداة في يد مديري نظم اليونكس لكن الانطباع العام أنها لغة صعبة الفهم برضه مليش خبرة كبيرة بيها.

أما بخصوص قواعد البيانات فالمنافسة على نظم قواعد البيانات أساسا ما بين MySQL و PostgreSQL خبرتي الوحيدة في التعامل مع MySQL و بالتالي معنديش رأي في PostgreSQL. كان زمان المتعارف عليه أن التطبيقات اللي محتاجة سرعة عالية أو السيرفرات اللي امكانياتها محدودة تشتغل بMySQL و التطبيقات اللي محتاجة خصائص متقدمة و ضمان سلامة البيانات 100% تستخدم postegreSQL و بالتالي كانت PostgreSQL في المؤسسات الكبري و التطبيقات المالية و MySQL محتكرة سوق صفحات الوب الديناميكية و تطبيقات الوب (موقع eglug مثلا معتمد على MySQL).

لكن مؤخرا Postgre تحسنت سرعتها جدا و MySQL أضيف لها الخصائص و المزايا بتاعت المؤسسات الكبيرة و سلامة البيانات 100% و بالتالي التفرقة ما بين النظامين بقيت أصعب.

بخصوص التوزيعات أفضل نصيحة هي استخدم التوزيعة اللي بيستخدمها أكبر عدد من معارفك عشان تلافي اللي يساعدك و عشات تتعلموا مع بعض الفروقات ما بين التوزيعات مش كبيرة لدرجة أنك تختار تمشي لوحدك الا بعد ما تكتسب خبرة عالية و لما تكتسب خبرة عالية هتعرف لوحدك أي توزيعة أفضل ليك.

أظن اليومين دول أكثر التوزيعات انتشارا هي ubuntu.

Alaa

husband of the Grand Waragi Master