كيف تقنع وندزاوى بلنكس

شوف هو انا مش هروح للينكس علشان ويندوز بفلوس ونسه حرام ومش حرام .. والكلام ده أعتقد مش صعبة أدفع 700 جنيه فى نسخة نظام تشغيل ما انا دافع مبلغ وقدره علشان أجيب جهاز أصلا .. فمش هتيجى على 700 مليم

ده مش منطق تقنع بيه اى بنى آدم خصوصا إذا كان البنى آدم ده مش فارقه معاه حلال ولا حرام .. لازم يكون عندك منطق مبنى على أسس

يعنى انا ليه هروح لينكس أول حاجة نظام تشغيل مجانى .. عاديى إيه المشكلة يعنى

طيب يا عمى نظام تشغيل مفهوش فيروسات .. ومتقوليش انتى فايروس اللى عندهم انتى فايروس هما اللى بيجلهم فيروسات

نظام تشغيل ثابت بينزل مرة واحدة بس مش كل إسبوعين أقعد افرمت وابرتش والكلام الأ÷بل بتاع ويندوز ده

نظام تشغيل بيتعرف على كل الهارد ويير اللى عندك حتى لو كانت قديمة طحن ومن غير ما تعمل اى حاجة ما عادا طبعا هارودير معينة بتحتاج إنك تنزل دعمها من على الإنترنت وفى خطوات أسهل من بتاعت ويندوز بمراحل :) يعنى إبسط يعم

نظام تشغيل تعرف تعمل فيه إشتغالات وتعدل فيه على مزاجك وكمان تدى التعديلات دى لإصحابك حتى لو انت مش مبرمج محترف ممكن تعمل إسكربتات شل صغيرة وسهل وبتعمل حركات :)

نظام تشغيل يعمى تعرف تشغل من عليه كل الميديا اللى عندك بسهولة وبدون ما تدفع مليم

نظام تشغيل ممكن تعمل بيه سيرفر صغير لنفسك وتحط عليه موقع ليك وببلاش

نظام تشغيل مش هيقولك هاتلى هارودير كذا ورمات كذا ومساحة قد كذا علشان أشتغل عندك لا إنت تزبطه على قد إمكانيات جهازك حتى لو جهازك من أيام إحتلال الهكسوس لمصر هيشتغل عندك وأخر حلاوة

نظام تشغيل مش بيهنج ولا بيقف ولا بيعطل ويقولك نزلنى من جديد

و حجات تانية كثير وكل واحد يضيف بقى :D