Revision of تقييم المهرجان from Thu, 12/03/2009 - 4:08am

المهرجان كان فيه حاجات كويسة كتير وغلطات كتير.. يا ريت كل الناس تقول رأيها بصراحة ويا ريت برضه اللى يكتب سلبيات يكتب ايجابيات كمان:

الايجابيات:

• المتطوعون قاموا بأنقاذ الموقف و شغلوا الجدول بشكل صحيح قبل ما كل حاجه تضيع
• قدرنا بشكل لا بأس به اننا نستوعب العدد الكبير اللي هجم علينا مره واحده
• فكره ان متطوع يجمع الناس في ساحه الكافيتيريا و يكلمهم كانت فكره ممتازه
• في أكتر من متطوع قدم محاضرات غير اللي كان محضرها و ده ساعد على انقاذ الموقف
• في ناس أتطوعت بأجهزتها عشان المحاضرات و محاضرات التنصيب و ده كان ممتاز لأننا نسينا نعمل حسابنا !
• فريق ال Installation عمل شغل رائع يشكر عليه على الرغم من مشاكل الهاردوير و الاسطوانات التالفه و عدم وجود أنترنت و عدم وجود وسيله لتنظيم أستقبال الأجهزه
• قدرنا نحصل على قاعات إضافيه من المعهد
• حضور عدد من أعضاء هيئه التدريس في الجامعه
• حملة الدعايه كانت ناجحه نظرا لعدد و تنوع الحضور
• فكره المقاله التي تم تعليقها على الحائط كانت ممتازه

السلبيات:

• مكنش فيه استقبال منظم للناس اللى داخله فى مدخل المكان و دا كا بيسبب ان الناس فى أوقات كتير كانت بتلف حوالين نفسها و متعرفش تروح فين
• الأسطوانه كان فيها شويه حاجات مش مظبوطه زى تعريف كروت نفيديا اللى عمل مشاكل كتير جدا لفريف التنصيب و فى منها متحلش لحد ما اليوم خلص
• نسخ الأسطوانات فى اخر يوم مخلاش فى وقت لفحص الأسطوانات و كده كان فى اسطوانات بايظه وقعت فى ايد الناس و مكناش عارفين نطلعهم من بعض
• المحاضرات مواعيدها اتلخبطت كذا مره و دا ادى ان ناس كتيره فاتتها حاجات كانت عايزه تحضرها
• جدول المحاضرات و التنظيم الداخلي كان فاشلا تماما!
• عدد كبير من المتطوعين المسؤولين عن تنظيم المكان أختفوا بدون أنذار!
• الشبكه الداخليه و اللاسلكيه في المعهد كانت لا تعمل
• لم نحصل على الطاولات المطلوبه لأقامة العروض الموجوده في الجدول إلا متأخرا جدا
• قاعتان من خمس قاعات لم نجد فيها كابلات البروجكتور و لم نحصل عليه إلا بعد و قت طويل
• المكان كان محدودا مقارنه بالعدد الكبير من الحضور
• لم يكن هناك تحديد دقيق و منظم لمهام كل فرد، كثيرا ما كنا نبحث عن الشخص المسؤول عن أمر ما دون معرفه من هو هذا الشخص !
• عدم وجود تنسيق داخلي مع أفراد الأمن داخل المعهد مما زاد من تخبط الزوار
• تبديل المحاضرات في المكان الواحد كان فكره سيئة للغايه
• عدم وجود وصف دقيق للمحاضرات، خصوصا المتقدمه منها، مما ادى إلى حضور غير منظم و غير واعي للمحاضرات
• التأخر في طباعه الجدول

الاقتراحات للمرات اللى جاية:

• وضع لوحات ارشاديه لمكان كل حاجه من الأول
• تنظيم جدول للمحاضرات و الإلتزام به منعا للخبطه
• تعديل الإسطوانه قبل المعاد بفتره عشان الناس تلحق تجربها و تعرف الغلطات و تلحق تصلحها و ماأظنش إن فى طريقه تانيه لإكتشاف الغلطات غير بالتجربه الكتييير
• بدء نسخ الإسطوانات بدرى