طبعا يوم جنو لينوكس الخامس بتاع ٩ فبراير اتلغى..
لكن هذا بالطبع لن يمنعنا من الإعداد ليوم آخر..!
وهذا اليوم الآخر سيكون اسمه بالطبع "يوم جنو لينكس الخامس" برضه..! ولنصطلح عليه مثلا باسم Take 2 أو شيء مشابه
المكان كالعادة في مسرح روابط (كنت سأقترح الساقية لكني عارف انها ستستقر في الآخر على روابط..!)
التاريخ في يوم نختاره بعد الامتحانات (وكما قلت من قبل أن الامتحانات تستمر فعليا طوال ١٢ شهر..!! لكني أفضل أن يترك تحديد تاريخ "افتراضي" النهاية الامتحانات من قبل الطلبة حيث أني لم أعد الآن طالبا بأية جهة..)
تحياتي
The Fifth Gnu-Linux installfest.. Again..!
here's a translation for non-Arabic systems..
As the previous post said, the fifth gnu-linux installfest - of 9th February 2008 - has been canceled..
but -of course- this won't prevent us setting up another "fifth" installfest..! (the one fourth must be fifth..! you know :D ) let's call it "The Fifth Gnu-Linux installfest 'take 2'" for example..
the place will be Rawabet hall as usual.. I'd suggest El Sakia.. but I know it will turn to be Rawabet at last..!
the date will be at a day we choose after the exams.. (as I said before, the exams are practically continuous during 12 months..! but I'd rather that the students among us should pick a "virtual" day after the exams..!! I can't help in this coz I'm not student anymore)
greetings
لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!
أنفخ معايا ف الفحماية
أعتقد الأسبوع
أعتقد الأسبوع بداية من 14-6 ل20-6 ميعاد كويس لو كانت الناس خلصت قبلها، علشان نلحق الناس اللي ناوية تسافر كمان :D التنسيق هيبقى في صفحات جديدة ولا هنغير الصفحات اللي كانت مخصصة قبل كدة لليوم اللي اتلغى؟
يا نهار ابيض
يا نهار ابيض هو كمان الناس ناوية تسافر..؟!
آسفين جدا ما لناش دعوة..!
أحنا قلنا الامتحانات على اعتبار انها ظرف قهري لا يمكن تأجيله ومحدد سلفا من قبل ناس غيرنا..
أما السفر والمصيف ده فأعتقد انه حاجة بإيدين الناس..
بالطبع يفضل ان تكون مواضيع "يوم جنولينكس الخامس -Take2" (التصورات -البرنامج -الويكي )منفصلة ومستقلة عن مواضيع اليوم الملغي لسببين:
أولا : عشان الفأل :) (أو عشان النفس طبعا D: )
ثانيا عشان تجنب التداخل طبعا..
بانتظار المزيد
لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!
أنفخ معايا ف الفحماية
يوم جنو لينكس
أقترح انه يكون أول شهر سبتمبر ,هتكون الناس خلصت ورجعوا من المصايف وهنقدر نبدع بجد
مع تحياتى
FashelFashelFashel
نفس المشكلة..!
حتى لو في سبتمبر.. فيه نسبة لا بأس بها مننا في عامهم الأخير بالجامعة..
وبما إن جيلنا الجميل بتاع الكمبيوتر والنت ما بتبقاش الأمور عنده بالسهولة دي فغالبا بياخدوا مادة أو مادتين للدور الثاني الذي يسمى أيضا دور سبتمنر.. أو أكتوبر..!
انا مثلا امتحنت دور تاني في أكتوبر.. يبقى نأجل لأكتوبر..؟!
فهمتوا بقه اني ما كنتش بهزر لما قلت ان الامتحانات عندنا ١٢ شهر في السنة..؟!
لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!
أنفخ معايا ف الفحماية
Ramadan is on the 1st of
Ramadan is on the 1st of September. You can't have a fesst.
شكرا للزميل
شكرا للزميل الفاضل محمد سمير اللي دخل مخصوص عشان يقفلها عليا زيادة..!
=-)
وفي نفس الوقت يظهر لنا مفاتيح الحل..
إذن اتفقنا على:
تجاهل الامتحانات لأنها تستمر طوال العام..
تجاهل المصيف لأنه مرتبط بظروف شخصية ولأنه ممكن يبقى أي أسبوع في أي شهر من ٣ شهور يعني ح ياكل ال٣ شهور كلهم..!
تجاهل شهر سبتمبر اللي مش ح ينفع نعمل فيه fest عشان انا ومالك وCVirus مش ح نقدر نشرب سجاير..!
الخلاصة:
ان الInstallfest إما أن يكون قبل سبتمبر أو أن يكون بعد سبتمبر..
إختاروا.. وتذكروا:
أن عالم ما بعد سبتمبر يختلف تماما عن عالم ما قبل سبتمبر :)
لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!
أنفخ معايا ف الفحماية
الإمتحانات
الإمتحانات عموما هتخلص في بداية شهر سبعة ،، طبعا ده الطبيعى او تقدر تقول إن أكبر شريحة من الناس الليب بتمتحن بتخلص إمتحاناتها في شهر سبعة .. بالنسبة بقي لموضوع رمضان ، ناهيك عن إنك مش هتعرف تشرب سجاير محدش أصلا هيبقي فيه حيل يقول كلمة الصبح ،، ولو فكرنا نعمله بعد الفطار محدش هيسيب التلفزيون ويجيلك :)
طيب الحل إننا نعمله في وقت ما بين بداية شهر يوليو ونهاية شهر أغسطس وربنا طبعا يكون في عونا في شهر أغسطس ده الجو هيبق حر نار وإن أصلا روابط مكان عامل زي الفرن بالزبط وإن الابتوبات هتولع
الخلاصة لو هنعمله في شهر 8 يبق لازم نبدأ من أول شهر 7 نجتمع ونقرر ونناقش علشان كالعادة لما هنعمل إجتماع 99.9 في المية من الناس مش هتيجي فهنضطر نأجله وهكذا دواليك ،، فنبدأ من بدري بقي :)
يا ريت نحدد
يا ريت نحدد اليوم ده هيكون إمتى و ياريت يكون قريب لأنى عايز بجد أتعرف بيكم كلكم
و يا ريت مايكونش دمي ثقيل على قلوبكم
..ودارت العجلة
نيرو بحاله يا قهلاً يا قهلاً
وبدأ توافد كبار الزوار
أولا آسف على تأخري في المتابعة لانشغالي بشوية حاجات كده
طبعا متفق جدا معاك بشأن رمضان والصيام والتلفزيون.. مع إني ما بشوفش تلفزيون في رمضان، لكن مش عارف الوضع ح يتغير وللا لأ لما يكون رمضان ده هو أول رمضان يمر عليا من ٢١ سنة بدون أن أكون حاملا لصفة "طالب"..!!
لكني غالبا خروجي قليل في رمضان.. ولو طلبت معايا سهرة بتكون في القاهرة الفاطمية مش في روابط..!!
طبعا ربنا يعيننا على الحر هناك -لسه فاكر من اليوم الرابع فرن بجد..!- لكن أحب أن أذكر أن المكان لم يتحدد بعد.. وإن الأماكن الأخرى كالساقية مثلا لسه ما قفلتش.. ومعلومة أخرى ما اعرفش ح تفيد في حاجة ولا لأ: محمد عبد المنعم الصاوي على وشك ترك إدارة الساقية إن لم يكن قد تركها فعلا.. يعني ممكن نلحق الموضوع قبل ما يسيبها أو نتفاوض مع الإدارة الجديدة..
ظبعا لازم نبدأ الاجتماعات مش بس من شهر سبعة.. بل من دلوقتي علشان نلغي تماما أي احتمال لـ"ضيق الوقت" زي ما حصل المرةاللي فاتت..
مكان الاجتماع في البورصة أو التكعيبة أو في بلكونة الساقية (الجزء اللي على النيل ده) ولا أفضل الأماكن الFancy زي pottery cafe والأماكن اللي شبهه.. احترموا فقرنا شوية..!!
العزيز Science
أدينا بنعافر يا ريس
إدعي لنا
لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!
أنفخ معايا ف الفحماية