مجلة لينكس

أولا بلغ سلامي لكل اهل المنصورة اللي بحبهم جدا وليا منهم اصحاب أكثر من أن يعدوا..!

ثانيا واضح انك عامل شغل على مستوى عالي جدا لم يفكر حتى فيه اخوانك اللي هنا ف القاهرة..

ثالثا المجلة التي تنشأ الكترونية تظل كذلك للأبد -من التجارب اللي حصلت قبل كده يعني- أما المجلة الورقية فيمكن لو صادفتها المشاكل ان تتحول الى إلكترونية.. فإذا عندك الإمكانيات نفذ يا كبير وانا معاك بإذن الله لأني عملت بالصحافة فترة لكن ما لحتش اعمل كارنيه نقابة..

رابعا الفئة المستهدفة هي المستخدم العادي أولا وقبل كل شيء..! عملية نشر اللينكس في بلد لا تعرفه تطابق -من جميع الوجوه- الدعوة إلى دين جديد..!! لازم توعي المستخدمين الذين يستخدمون ما وجدوا عليه أباؤهم ان ده غلط.. وبعد ان يجتمع حولك المستضعفين والأرقاء -المستخدمين يعني- يبدأ وجهاء القوم -الشركات والمطورين..!!- في الالتفات لدعوتك...

خامسا طبعا مش ح يعرف يفصل في موضوع الشقق ده الا حد مرتسمة في ذهنه خريطة امنصورة أو على الأقل راحها قبل كده.. لكن اختار الشقة التي تكون "وصفتها سهلة" حتى لو كانت في مكان يبدو بعيد شوية..

سادسا وأخيرا اضم صوتي لصوتك تمااااااما.. المفروض ان نشاط الـLug كان متعدد ومتنوع ما بين سيديهات واجتماعات (اسبوعية بناء على التعريف الموجود في Linux.org ..!!) وحاجات كتيرة واقتصر كل هذا الآن على منتديات اداءها ضعييف جدا..

بالنسبة للكتاب عندي الكثير جدا من الافكار ويمكن ان تراسلني عن طريق إيميلي أو مدونتي..

لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!

أنفخ معايا ف الفحماية