أول اجتماع تحضيري ليوم البرمجيات الحره الخامس بروابط
يجتمع أعضاء EGLUG للتجهيز ليوم البرمجيات الحره الخامس يوم الثلاثاء الموافق 15 يناير. برجاء إذا كنت متطوعا أو راغب في التطوع أو المساعده حضور اللقاء بمقهى Pottery في التحرير أمام الجامعه الأمريكيه الساعه السابعه مساء
Pottery Cafe
- Login to post comments
- 3719 reads
Comments
كده وضحت
أعتقد كده يا جماعة بانت المشكلة فين
إننا محتاجين وسائل اتصال أخرى ببعضنا غير اللج والـIRC.. يعني أنا مثلا ما عنديش نمرة مخلوق من اللج.. حتى مالك كلمت زمايلي في الجرنال عشان آخد نمرته لكن كلهم كانوا روحوا طبعا..
أنا أصلا كنت ح اكتب في ردي اللي فات إنه بلاش الأماكن الـFancy دي.. خلينا في البورصة أو التكعيبة مثلا -باعتباري زبون قديم في المكانين وباعتبار إن كل اللي راح روابط قبل كده يعرف التكعيبة فين- وما اعتقدش مطلقا إن عندنا مشكلة في الحماس بدليل ان واحد زيي كان عنده حالة وفاة ف العيلة من يومين وراح برضه...
التنسيق يا شباب.. التنسيق ثم التنسيق
وعايزين نعرف أرقام موبايلات بعض أو حتى أرقام الشخصيات المحورية زي مالك وعلاء وخالد حسني والناس دي
أنا لا زلت برضه متحمس وراغب في الاشتراك إن كان تسجيلي لأسمي في المتطوعين مش دليل كفاية.. :)
حددوا معاد تاني بسرعة
وبالمناسبة أنا مع التأجيل المحدود -إسبوع أو اتنين بس عشان الناس ما تفقدش حماسها- إذا كان ده ح ينقذ لنا اليوم..
لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!
أنفخ معايا ف الفحماية
أعتقد إن
أعتقد إن المشكلة التأخير دى مشكلة أزليه أو متأصله فى الأعضاء هنا أصلا :)
طول عمرنا بنروح الإحتماعات متأخر عادى إيه المشكلة ,, المشكلة بقى اللى تغيظ إن المكان يتغير فجأة وتلاقيها قلبت تكعيبة فى الآخر ,, ياريت إجتماعتنا الجاية كلها تكون فى البورصة مش فى التكعيبة لأن عند البورصة فى كام شبكة إنترنت وايرليس مفتوحة فنقدر لو هنغير مكان الإجتماع أو نعمل أى حاجة نلاقى إنترنت .. أو نخليها كلها تكعيبة وخلاص وبلاش كل يوم إجتماع فى حتة شكل
حاليا إحنا حجزنا المسرح خلاص .. أعتقد مش كده برضه يا مالك ..؟ وانا شايف إن 9 فبراير مش بدرى قوى ولا حاجة إحنا كل اللى هنحتاجه بالزبط يومين لتجهيزات الخاصة بالمسرح وده ناتج عن تجربة سابقة
اما بالنسبة للإعلانات فلازم تبدأ بدرى شويه أعتقد المفروض كانت تبدأ من أول شهر واحد بس مش مشكلة ملحوقة بما إننا داخلين على معرض الكتاب فممكن لو لحقنا نمل بانر محترم وإعلان كويس إننا نطبعه ونبدأ نوزعه فى معرض الكتاب وأعتقد إعلان أحسن من كده وأكثر إنتشار مش كده عمرنا ما هنلاقيه :) الناس كلها فى عرض الكتاب من كل حتة فى مصر يعنى الإعلان هيوصل للبنى آدمين كلهم بس ياريت نستعجل فى موضوع البانر ونص الإعلان ونرسم خريطة كروكية فى آخر الإعلان المطبوع لمكان مسرح روابط
وعايزين نعرف خالد وصل لفين فى موضوع تعديل الأوبنتو أو إذا كنا هنعتمد على أوبنتو عادية ونبدأ نطلب طبع الإسطوانات من حالا علشان تلحق تجهز
عشان منتضايقش
عشان منتضايقش من بعض مش حنعلق على موضوع الحضور من عدمه خاصة ان اللي جم كانوا اتنين لا اكثر
الميعاد ممكن يتأجل عادي,وممكن برضه اننا نعمل فكرة الاعلانات في معرض الكتاب,مش حتفرق ياما برضه,الأهم ان الناس تقول انها حتتحمل فعلا المسؤولية لا اكثر,يعني نحط اسماء متطوعين حتلتزم ولو مش بشكل كلي,بس على الاقل يبقى فيه التزام واضح.
لو مع فكرة الاجتماعات الدائمه فانا بصوت للتكعيبة
من ناحية
من ناحية المتطوعين أنا ملتزم بشكل كلى مش جزىء كمان إن أحضر للمهرجان بس انا وضحت قبل كده وقلت إنى مش هخلص إمتحانات قبل 23 يناير فمش هقدر أعمل اى حاجة قبل التاريخ ده وبالنسبة للتأكيد على حضور الإجتماع أنا قلت مش هعرف أجى لما انت طلبت التأكيد :)
ومعنديش اى إعتراض على موضوع التكعيبة على الأقل مكان معروف وجنب المسرح وياريت يكون فى إجتماع الخميس ده أو على الأقل خلال الإسبوع الجاى علشان نعرف راسنا من رجلينا ونعرف هنعمل إيه وياريت ميكونش قبل يوم الخميس لأنى مش هخلص إلا يوم الأربعاء .. ولو هنعمل إجتماع نعلن قبله بإسبوع .. ونحاول نعمل ميل ليست للمشاركين فى المهرجان ونبعتلهم إيميل بميعاد الإجتماع وأخر التطورات
بدري؟؟!!
يا جماعه الساعة 7 متأخر أوي
أنا من بنها فعشان آجي مش مشكلة بس المشكة همشي إمتى ؟؟!!
مش ممكن يكون معاد بدري أكتر
؟؟
كنت هناك
انا كنت في بوتري من 19:00 ل 19:15, وملقتش حد اعرفه هناك، او اثار اعضاء من المجموعة (اجهزة حاسب بشعارات غريبة مثلاً!!) كلمت شريف نجيب وبودي وعرفت ان مالك في التكعيبة، لغاية ما وصلت التكعيبة كانت الساعة 20:00 تقريباً(زحمة وركن وتدوير على رقم مالك) كلمت مالك كان مشي، دلوقتي انا شايف كذا حاجة: اعلان التجمع مكانش مطلوب فيه تأكيد للحضور، بالتالي مكانش المفروض يتغير المكان قبل الساعة 20:00 (ميعاد انتهاء الاجتماع المنشور) او على الاقل تعليق على الصفحة يقول ان المكان هيتغير لو حد هيدخل على الموقع اعتقد يكون انسب لو الاجتماع الجاي نطلب تاكيد للي هيحضر في التعليقات، علشان المنظمين يتوقعوا الحضور عامل ازاي، ويكون اظرف لو اتبعتت رسالة شخصية للحاضرين برقم تليفون حد من المنظمين علشان الناس تقدر تلاقي بعض.. بالنسبة للتوقيت، انا شايف ان كل ما نبتدي بدري يكون احسن، حتى لو مش عدد كتير هايقدر يحضر دلوقتي، على الاقل نقدر نكون فكرة مبدئية عن شكل الحدث ونخلص من الترتيبات الأولية
that's so soon!
انا مسمعتش ان فى اجتماع وما دخلتش على الموقع غير اناهردة بالصدفة!!
فى كل الأحوال افتكر انتوا عاملين المعاد بدرى اوى و ما افتكرش هنلحق نحضر كل حاجة،، ويا ريت يبقى فى mailing list تتبعت لنا على الأقل عشان نعرف لو فى اى اجتما بعد كده
انا مع الكلام
انا مع الكلام اللي بيقول إنه it is too soon!
رأيي نأجله أسبوعين.. علشان نحضر كويس وأنا معاكم بكل ما اوتيت من قوة ابتداء من يوم الاتنين.. آخر يوم امتحانات.. وهأحاول أفكر لغاية يومها ايه الأفكار الجديدة اللي ممكن تتقال.. أو لو في محاضرات ناقصة ممكن أشارك فيها وهكذا يا ريت نحدد معاد تاني للاجتماع يكون مناسب للجميع..
أنا الجمعة والسبت مناسب، أو ابتداء من يوم الاتنين إلى ما شاء الله.. فوتوكم بعافية
إذا كانت زكاة المال جزءا منه، فزكاة العلم العلم كله...
امبارح محدش
امبارح محدش ظهر,رحنا الاول بوتري كافية وانتظرنا فيه شوية ولما محدش جه انتقلنا للتكعيبة,واتحركنا من وسط البلد الساعة 8الا ربع,محدش كلمنا غير امجد.
فعليا في اسباب ياما لعدم ظهور الناس جزء منها الامتحانات,"2 بس من المشاركين قالوا انهم وراهم امتحانات واعتذرواواثنين قالوا ورانا تسليم شغل!!!"بس فعليا محدش اكد خالص قبليها انه جاي,وفي ناس مكنتش تسمع اصلا ان في اختراع اسمه اجتماع تحضيري.
ححاول اطلع برا السلبيات,انا مش مستبشر خير,مش حرمي المسؤولية على حد,بس في النهاية انا مش حابب اشيل مسؤولية حاجه واضح ان الناس مش متحمس لها ,ياريت الناس دلؤتي تقول اذا كانت فعلا حتشارك ولا لأ عشان لو مش كدا نلحق نلغي حجز مسرح روابط.
شيء يغيظ...بجد
أنا كنت هناك من الساعة 8 الا ربع تقريبا (اتأخرت بسبب حالة وفاة حصلت عندي) وما لقيتش إنسان.. وكنت أمام أحد احتمالين:
بجد بجد كان شيء محبط.. دعكم تماما من إني صرفت 25 جنيه بلا جدوى وأنا لست إلا صحفي غلبان..!
شوفوا لكم حل في موضوع الإلتزام ده وإلا مصر كلها ح تفضل تستخدم ويندوز للأبد..
لا ينبغي للشعوب أن تخاف من ميكروسوفت..ميكروسوفت هي التي يجب ان تخاف من الشعوب..! من فيلم : Linux For Vendetta !!
أنفخ معايا ف الفحماية
وآدي كمان يا خسارة
انا برضه عندي امتحان يوم الأربهاء..
يا ريت يا جماعاة تحطوا نتيجة الاجتماع هنا، وأنا عاوز أشارك في التحضير.. ولو في مهام لسة ما اتوزعتش أو عاوزة متطوعين كمان أنا نفسي أشارك بضراوة..
في استنظار الجديد
إذا كانت زكاة المال جزءا منه، فزكاة العلم العلم كله...
ياخساره
كان نفسى اكون معاكم بجد بس اخر امتحاناتى يوم الاربعاء 16