و هكذا فى كل البرامج التى يستخدمها اغلب الشعب.
برامج الضغط و الميديا و متصفح الانترنت و برامج ال دونلود و البريد الالكترونى و الجرافيكس و قواعد البيانات و بيئات التطوير و الالعاب كل حاجة على الكمبيوتر يا معلم
اشتغل لينكس..
هقولك يا عم بس نص العمى ولا العمى كله .. خليك على الويندوز المضروب بتاعك بس اشتغل ببرامج مفتوحة المصدر. و دى جميلة جدا و قوية و دايما فى تطور و ممكن تشغل بيها ملفات البرامج التانبه.
فى كل دول العالم الكمبيوتر رخيص و لكن البرامج غالية قوى و احنا عندنا الكمبيوتر غال (علشان احنا غلابه ) بس كل واحد منزل برامج يجى ب 20 الف جنيه.
و ده يا عم الحاج حرام و الدين مش بيقول كده. و القانون بيمنع كده.
و عشان كده يا شباب انا بنصحكم تستخدموا البرامج مفتوحة المصدر.
بدل ميكروسوفت اوفيس خليها اوبن اوفيس , و كل حاجة هتلاقيلها بديل.
انما تطنش و و تفضل شغال حرامى مينفعش .
اغلب الناس لا تتحرى اذا كان البرنامج ده له ترخيص ولا لا. كله بينزل البرامج و يشتغل بيها و ساعة لما البرنامج يفرقع منه يدور له على كراك و الحركات النص كم دى.
و بعدين دلوقتى فى حاجة جميلة جدا اسمها اوبن سي دى فيه برامج كتير اوى بدل البرامج الى محتاجة ترخيص.
و انا ممكن اديها لك يا عم لو انت مش هتقدر تنزلها و هكذا اى برنامج اخر.
يبقى احنا لازم ناخد بالنا من ان لو عايز تستخدم برنامج لازم ترخيص و عشان كده بنصحكم تستخدموا برامج مفتوحة المصدر و ممكن يبقى شعارنا فى الفترة الجايه